CITYMED laboratoriyasi — bu Toshkentda soʻnggi avlod avtomatik analizatorlarida tahlillarni amalga oshirish mumkin boʻlgan toʻliq siklli diagnostika markazidir. Bemorlarning aksariyati laboratoriya tekshiruvlaridan davolovchi shifokor yoʻllanmasi boʻyicha — konsultatsiya, operatsiyaga tayyorgarlik yoki tayinlangan davolash kursini nazorat qilish doirasida oʻtadilar. Shu bilan birga, CITYMED laboratoriyasiga profilaktik tekshiruv yoki rejali "check-up" uchun oldindan konsultatsiyasiz, mustaqil ravishda ham murojaat qilishingiz mumkin.

Laboratoriya diagnostikaning barcha asosiy yoʻnalishlari boʻyicha tekshiruvlarni amalga oshiradi: qon biokimyosi, gormonlar, onkomarkerlar, infektsiyalar, genetika va gistologiya. Qon olish jarayonini tajribali hamshiralar bajaradi, bu ayniqsa bolalar, keksa bemorlar va tomirlari qiyin topiladigan insonlar uchun juda muhimdir. CITYMED laboratoriyasi Toshkent shahri, Shayxontohur va Olmazor tumanlari chegarasidagi Farobiy koʻchasi, 415-uy manzilida, bosh korpusda joylashgan — shaharning istalgan nuqtasidan yetib kelish qulay.

Muntazam laboratoriya diagnostikasi kasallikni erta bosqichda, yaqqol alomatlar paydo boʻlishidan oldin aniqlashga hamda tayinlangan davolash samaradorligini nazorat qilishga yordam beradi.

Profilaktika va check-up

• Har yilgi profilaktik koʻrik va umumiy salomatlik holatini nazorat qilish
• Ish, oʻqish va maʼlumotnomalar olish uchun dispanserizatsiya va tibbiy koʻriklar
• Surunkali kasalliklarda koʻrsatkichlarni nazorat qilish (diabet, gipertoniya, qalqonsimon bez kasalliklari)
• Operatsiya yoki shifoxonaga yotqizilishdan oldin rejalashtirilgan tekshiruv — shifokor yoʻllanmasi boʻyicha

Analizlar tayinlanishi uchun shifokorga murojaat qilish kerak boʻlgan alomatlar

Agar sizda quyidagi alomatlar kuzatilsa — ularni mustaqil ravishda talqin qilishga urinmang. Shifokor konsultatsiyasiga yoziling, u koʻrik asosida zarur tahlillar roʻyxatini tanlab beradi:

• Sababsiz charchoq, darmonsizlik, ish qobiliyatining pasayishi
• Vaznning keskin oʻzgarishi, kuchli chanqash, tez-tez peshob chiqarish
• Boʻgʻimlardagi ogʻriqlar, shishlar, koʻrinarli sababsiz tana haroratining koʻtarilishi
• Hayz siklining buzilishi, homilador boʻlishdagi muammolar
• Soch toʻkilishi, terining quruqligi, ishtahaning oʻzgarishi — gormonal buzilishlarning tez-tez uchraydigan belgilari

Homiladorlikka tayyorgarlik va homiladorlikni olib borish

• Homiladorlikni rejalashtirishda gormonal skrining — ginekolog tayinlovi boʻyicha
• Roʻyxatga turishda TORCH-infeksiyalari va boshqa majburiy tekshiruvlar
• Shifokor tomonidan belgilangan jadval boʻyicha butun homiladorlik davomida koʻrsatkichlarni nazorat qilish

Muntazam nazorat tavsiya etiladigan xavf guruhlari

• 40 yoshdan oshgan shaxslarga — lipid profili, glyukoza, onkomarkerlar
• Onkologik va yurak-qon tomir kasalliklariga irsiy moyilligi boʻlgan insonlar
• Ortiqcha vazn va metabolik sindromi bor bemorlar
• Sportchilar va yuqori jismoniy yuklamaga ega insonlar — elektrolitlar, yurak va mushaklar faoliyati koʻrsatkichlari

Hatto yaqqol shikoyatlar boʻlmaganda ham, yilda bir marta rejali tahlil (analiz) topshirish — salomatlik holatini nazorat qilish va ogʻishlarni oʻz vaqtida payqashning eng qulay usullaridan biridir. Agar sizni aynan qaysi tahlillar kerakligiga ishonchingiz komil boʻlmasa — kerakli tekshiruvlar roʻyxatini belgilab olish uchun terapevt konsultatsiyasidan boshlang.

CITYMED laboratoriyasida zamonaviy avtomatik analizatorlar parki ishlaydi, bu natijalarning aniqligi va ularni olish tezligiga bevosita taʼsir koʻrsatadi.

Mindray BS-360E va Mindray BS-200 biokimyoviy analizatorlari. Qonning 30 dan ortiq koʻrsatkichlarini aniqlaydi: jigar va buyraklar funksiyasi, glyukoza, xolesterin, elektrolitlar darajasi. Flagman analizatori boʻlmish BS-360E soatiga 360 tagacha testni qayta ishlaydi, bu esa kechikishlarsiz, bir marta kelishning oʻzida bemorning batafsil biokimyoviy profilini olish imkonini beradi.

YHLO iFlash II800 va Snibe Maglumi 800 immunohemilyuminestsent analizatorlari. Gormonal buzilishlar, onkomarkerlar va yuqumli kasalliklarni diagnostika qilish uchun ishlatiladi. Ikkita mustaqil tizimning borligi mavjud tekshiruvlar roʻyxatini kengaytiradi va apparatlardan biriga rejalashtirilgan texnik xizmat koʻrsatish vaqtida ham laboratoriyaning ishlamay qolishini oldini oladi — bemorlarning natijalari kechikmaydi.

Mindray BC-780 gematologik analizatori. 109 ta aniqlanadigan parametr va leykotsitlarni 5 ta populyatsiyaga differentsirovkalash, shuningdek, EChT (eritrotsitlarning choʻkish tezligi) ni aniqlash uchun oʻrnatilgan modul bilan toʻliq umumiy qon tahlilini bajaradi.

Wondfo Finecare III Plus ekspress-analizatori. Shoshilinch diagnostika uchun ixcham tizim: kardiomarkerlar, buyraklar funksiyasi koʻrsatkichlari, gormonlar va infeksiya markerlari. Shifokor bunday ekspress-test natijasini bir necha daqiqa ichida oladi — bu bemor qabul boʻlimiga yoki shoshilinch tibbiy yordam boʻlimiga tushganda, diagnostikada kechikishga yoʻl qoʻyib boʻlmaydigan holatda ayniqsa muhimdir.

Umumiy qon tahlili va koagulogramma

Deyarli har qanday tekshiruvga kiradigan bazaviy tadqiqot — u organizmning umumiy holatini, yalligʻlanish, anemiya mavjudligini va qon ivishi buzilishi xavfini koʻrsatadi. Koagulogramma har qanday operatsiyadan oldin majburiydir, chunki ivish koʻrsatkichlaridagi ogʻishlar operativ aralashuv paytida va undan keyin qon ketishi yoki tromboz xavfini oshiradi. Retikulotsitlarni hisoblash bilan kengaytirilgan tahlil suyak koʻmigi (костный мозг) yangi eritrotsitlarni ishlab chiqarishni qanchalik uddalayotganini qoʻshimcha ravishda baholashga yordam beradi — bu anemiyalarni diagnostika qilishda muhimdir.

• Umumiy qon tahlili (19 parametr + EChT)
• Retikulotsitlar bilan kengaytirilgan qon tahlili
• Qon guruhi va rezus-omil
• Qonning ivish vaqti
• Bazaviy koagulogramma (PTI, MNO, fibrinogen, AChTV, trombin vaqti)
• D-dimer — tromb hosil boʻlishi xavfi koʻrsatkichi
• Antitrombin III

Revmatologik tekshiruvlar

Boʻgʻimlarning yalligʻlanishini yoki autoimmun zararlanishini ogʻriqning boshqa sabablaridan — masalan, mexanik zoʻriqish yoki jarohatdan ajratishga yordam beradigan tahlillar guruhi. Boʻgʻimlardagi surunkali ogʻriqlar, shishlar, ertalabki harakat cheklanishida revmatolog yoki terapevt tomonidan tayinlanadi. Revmatoid artritni erta diagnostika qilish ayniqsa muhimdir, chunki davolashni oʻz vaqtida boshlash boʻgʻimlarning yemirilishini sezilarli darajada sekinlashtiradi.

• Revmatoid omil (RF)
• S-reaktiv oqsil (CRP)
• Antistreptolizin O (ASLO)
• Siklik sitrullinlangan peptidga antitanalar (ATsTsP (АЦЦП))
• Revma-proba (RF, CRP, ASLO kompleksi)

Biokimyoviy qon tahlili

Eng koʻp tayinlanadigan tekshiruvlar guruhi — asosiy aʼzolar va tizimlar: jigar, buyraklar, yogʻ va uglevod almashinuvi faoliyatini aks ettiradi. Birlamchi diagnostika uchun ham, qoʻyilgan tashxisni nazorat qilish uchun ham — masalan, diabet yoki jigar kasalliklari kechishini kuzatish uchun ishlatiladi. Koʻpincha "check-up" dasturlari tarkibiga kiradi, chunki bitta tahlil orqali organizm holatining keng manzarasini olish imkonini beradi.

• Jigar probalari: ALT, AST, bilirubin (umumiy, toʻgʻri, notoʻgʻri)
• Buyrak koʻrsatkichlari: kreatinin, mochevina, siydik kislotasi
• Lipid profili: umumiy xolesterin, ZLVP (ЛПВП), ZLNP (ЛПНП), triglitseridlar
• Qon glyukozasi va glikirlangan gemoglobin (гликированный гемоглобин) (kundalik hayotda "гликолизированный гемоглобин" nomi ham uchraydi) — oxirgi 2-3 oydagi qandning oʻrtacha darajasini koʻrsatadi
• Umumiy oqsil va albumin
• D, B12, B6 vitaminlari, foliy kislotasi
• Ferritin va temir almashinuvi koʻrsatkichlari

Gormonal tekshiruvlar

Gormonal nomutanosiblik koʻpincha nospetsifik alomatlar — charchoq, vazn oʻzgarishi, soch toʻkilishi, sikl buzilishi bilan namoyon boʻladi — shu sababli bu hollarda aniq va to'liq diagnostika laboratoriya koʻrsatkichlari orqali amalga oshiriladi. Holatdagi o'zgarishlar turiga qarab bunday tahlillar endokrinolog, ginekolog yoki urolog-androlog tomonidan tayinlanadi. Kompleks gormonal tekshiruv homiladorlikni rejalashtirishda, homilador boʻlishdagi muammolarda va qalqonsimon bez kasalliklari gumon qilinganda ayniqsa muhimdir.

• Qalqonsimon bez gormonlari: TTG (ТТГ), T3, T4 (umumiy va erkin)
• Jinsiy gormonlar: testosteron, estradiol, progesteron, FSG (ФСГ), LG (ЛГ), prolaktin
• Insulin va S-peptid — uglevod almashinuvini baholash
• Kortizol va AKTG (АКТГ) — buyrak usti bezi gormonlari
• Antimuller gormoni (АМГ) — homiladorlikni rejalashtirishda ovarial rezervni baholash
• Tireoperoksidazaga antitanalar (АТ-ТПО) — qalqonsimon bezning autoimmun zararlanishini diagnostika qilish

Onkomarkerlar

Maʼlum aʼzolarning onkologik kasalliklarida darajasi koʻtarilishi mumkin boʻlgan oʻziga xos oqsillar. Tashxis qoʻyishning mustaqil usuli sifatida emas, balki majmuaviy tekshiruvning bir qismi sifatida — xavf guruhidagi bemorlarni skrining qilish va oʻtkazilayotgan davolash samaradorligini nazorat qilish uchun ishlatiladi. Sohaviy onkomarkerlarni muntazam topshirish 40 yoshdan oshgan insonlarga va irsiyatida bunday havf bo'lgan bemorlarga tavsiya etiladi.

• Umumiy va erkin PSA (ПСА) — prostata kasalliklarini diagnostika qilish
• CA-125 va HE-4 (СА-125 и НЕ-4) — tuxumdonlar kasalliklarini diagnostika qilish
• CA 15-3 — sut bezi kasalliklarini diagnostika qilish
• AFP (АФП)(alfa-fetoprotein) — jigar kasalliklarini diagnostika qilish
• REA (РЭА)(Kartsinoembrional antigen, xalqaro amaliyotda CEA sifatida ham belgilanadi)
• CA 19-9 — oshqozon osti bezi va jigar kasalliklarini diagnostika qilish

Infektsiyalar diagnostikasi

Homiladorlikni rejalashtirish va olib borishdagi majburiy tekshiruvlar sifatida ham, oʻtkir yoki surunkali infektsiyaga gumon qilingandagi diagnostika tahlili sifatida ham ishlatiladi. TORCH-infeksiyalari boʻlajak onalar uchun ayniqsa muhimdir, chunki ushbu infeksiyalarning baʼzilari aynan homiladorlik davrida birinchi marta yuqqanida xavfli boʻlishi mumkin, oldin oʻtkazilgan va immunitet shakllanib boʻlingan infektsiyalarda esa deyarli xavfsiz bo'lishi mumkin.

• TORCH-infeksiyalari (toksoplazma, qizilcha (краснуха), sitomegalovirus (цитомегаловирус), gerpes)
• Virusli gepatitlar A, B, C, D, E
• OITS (ВИЧ)
• COVID-19 (IgG/IgM)
• Xelikobakter pilori — gastrit va oshqozon yarasi kasalligining ko'p uchraydigan sababi

PTsR (ПЦР)-tekshiruvlar

Qoʻzgʻatuvchining genetik materialini bevosita aniqlaydigan molekulyar diagnostika usuli — bu, ayniqsa, organizm yetarli immun javobini ishlab chiqishga hali ulgurmagan infeksiyaning erta bosqichlarida antitanalarga tahlil qilish bilan solishtirganda yuqori aniqlikni taʼminlaydi. Koʻpincha jinsiy yoʻl bilan yuqadigan infeksiyalarni diagnostika qilish va onkogen xavf gumon qilinganda odamda papilloma virusi turini aniq belgilash uchun ishlatiladi.

• Odam papillomasi virusi (shu jumladan yuqori onkogen xavfga ega 16/18 turlari)
• Xlamidiya traxomatis
• Mikoplazma va ureaplazma
• Oddiy gerpes virusi 1 va 2-turi
• Gonokokk (Neisseria gonorrhoeae)
• Gardnerella vaginalis

Immun va allergik status

Immun tizimi organizmning oʻz toʻqimalariga hujum qiladigan autoimmun kasallikka gumon qilinganda, shuningdek allergik reaktsiyalarni diagnostika qilish uchun ishlatiladi. Boshqa sabablar bilan tushuntirib boʻlmaydigan xarakterli alomatlar — masalan, terida doimiy toshmalar, sababsiz lixoradka yoki bir vaqtning oʻzida bir nechta aʼzo tomonidan tizimli namoyon boʻlishlar mavjud boʻlganda revmatolog, immunolog yoki terapevt tomonidan tayinlanadi.

• Immunoglobulinlar A, G, M, E
• Antinuklear antitanalar (ANA)
• Antineytrofil sitoplazmatik antitanalar (ANCA)
• DNKga antitanalar (ikki zanjirli va bir zanjirli)

Siydik va ahlat tahlillari

Buyraklar, siydik chiqarish yoʻllari va meʼda-ichak trakti kasalliklarini diagnostika qilishda koʻpincha birinchi qadam boʻladigan oddiy va axborotga boy tekshiruvlar. Oddiy boʻlishiga qaramay, ushbu tahlillar keng koʻlamli patologiyalarni — siydik yoʻllari yalligʻlanishidan tortib, ichakdagi yashirin qon ketishigacha gumonlarni tekshirish imkonini beradi.

• Umumiy siydik tahlili
• Nechiporenko usuli boʻyicha siydik tahlili
• Zimnitskiy usuli boʻyicha siydik tahlili
• Kaprologik tekshiruv (Koprologiya)
• Ahlatda yashirin qonni aniqlash
• Ahlatda gijjalar tuxumini aniqlash

Bakteriologik ekishlar (Bakposevlar)

Shunchaki infektsiya mavjudligini emas, balki aniq qoʻzgʻatuvchini va uning antibiotiklarga sezgirligini belgilaydi — bu shifokorga sinov va xatolar usulida tanlamasdan, eng boshidanoq samarali preparatni tayinlash imkonini beradi. Takrorlanadigan yoki standart davolashga chidamli infektsiyalarda ayniqsa muhimdir.

• Siydik bakposevi
• Tomoq va burundan bakposev
• Ahlatning patogen floraga bakposevi

Genetik tekshiruvlar va gistologiya

Toʻqima namunalari boʻyicha onkologik kasalliklarni aniq diagnostika qilish, shuningdek, ayrim kasalliklarga irsiy moyillikni aniqlash uchun ishlatiladi. Gistologik tekshiruv xavfli jarayonni tasdiqlash yoki istisno etishning "oltin standarti" boʻlib qolmoqda, immunogistokimyo esa oʻsimta turiga aniqlik kiritish va eng mos keladigan davolash taktikasini tanlash imkonini beradi.

• Biopsiya va operatsiya materialining gistologik tekshiruvi
• Immunogistokimyoviy tekshiruv (ИГХ) — onkologik kasalliklarda diagnostikaning aniqlashtiruvchi usuli
• HLA B27 — Bexterev kasalligi bilan bogʻliq genetik marker
• Gipertoniya kasalligiga moyillikning genetik skriningi

Tahlillarni topshirishga qanday tayyorgarlik koʻrish kerak

Toʻgʻri tayyorgarlik koʻrish natijaning aniqligiga bevosita taʼsir qiladi — sizga tayinlangan tahlillar boʻyicha aniq talablar roʻyxatini shifokor yoki qabulga yozilish vaqtida administrator aniqlashtirib beradi.

Biokimyoviy va gormonal tahlillar uchun — och qoringa, oxirgi ovqatlanishdan kamida 8 soat oʻtib keling. Gazlanmagan suv ichishga ruxsat beriladi.

Umumiy qon tahlili uchun — odatda maxsus tayyorgarlik talab qilinmaydi, ammo bir kun oldin jismoniy zoʻriqish va alkogol isteʼmol qilishni istisno etish tavsiya etiladi.

PTsR (ПЦР)-tekshiruvlar va surtmalar uchun — shifokor boshqacha tayinlamagan boʻlsa, tashrifdan 1-2 kun oldin jinsiy aloqa va mahalliy preparatlarni qoʻllashdan tiyilish tavsiya etiladi.

Ekspress-testlar uchun — tayyorgarlik shifokor tomonidan individual ravishda belgilanadi, shoshilinch vaziyatlarda tahlil oldindan tayyorgarliksiz bajariladi.


Nima uchun CITYMED laboratoriyasini tanlashadi

Klinika tarkibidagi laboratoriya. Shifokor konsultatsiyasidan tortib tahlil natijasini olguncha bemor yagona tibbiyot markazi doirasida bo'ladi — namunalarni boshqa laboratoriyalarga topshirish va qoʻshimcha hatti-haraktlarni bajarish kerak emas.

Zamonaviy avtomatlashtirilgan uskunalar. Mindray, YHLO, Snibe va Wondfo analizatorlari yuqori aniqlik hamda namunalarga ishlov berishning minimal vaqtini taʼminlaydi.

Asosiy tizimlarning zaxiralanishi (rezervlanishi). Ikkita mustaqil immunohemilyuminestsent analizator mavjudligi hatto ularning biriga texnik xizmat koʻrsatish vaqtida ham laboratoriyaning to'xtab qolmasdan ishlashini va natijalar kechikmasdan olinishini ta'minlaydi.

Tezkor natijalar. Aksariyat odatiy tahlillar bir kun ichida, ekspress-testlar esa bir necha daqiqada tayyor boʻladi.

Qulay qon olish jarayoni. Bolalar va tomirlari qiyin topiladigan bemorlar bilan ishlaydigan tajribali hamshiralar xizmat olib borishadi.

Qulay joylashuv. Klinika Toshkent shahri va Toshkent viloyatining aksariyat tumanlaridan yetib kelish qulay boʻlgan Shayxontohur va Olmazor tumanlari chegarasida joylashgan.